Rhoddwyd archif sylweddol o ‘Goleg Ail Gyfle’ Cymru i Llyfrgell Genedlaethol Cymru gan Addysg Oedolion Cymru | Adult Learning Wales yn dilyn cau’r coleg yn 2017.

Mae’r casgliad hwn yn olrhain holl hanes Coleg Harlech ac mae’n cynnwys dogfennau fel adroddiadau blynyddol, cofnodion, gohebiaeth, cofrestri, prosbectysau a ffotograffau. Mae’n cynnwys cynlluniau i ddatblygu safle’r coleg a dogfennau sy’n dod â phrofiad myfyrwyr yn fyw.

Hefyd derbyniwyd rhodd ychwanegol o bapurau, gohebiaeth a ffotograffau (1936-2007) yn ymwneud â Choleg Harlech gan Joe England, a’u casglodd yn ystod ei gyfnod fel Warden (Coleg Harlech Archive).