Jamie yw Ein Henillydd!

Jamie yw Ein Henillydd!

21-Medi-2020
Share

Rydym ni’n falch o gyhoeddi mai enillydd Gwobr Iechyd a Llesiant Gwobrau Addysg Oedolion Ysbrydoli! eleni yw Jamie Evans.

Dyma stori Jamie.

Oherwydd teimladau o iselder a gorbryder, roedd Jamie Evans yn dueddol o ynysu ei hun oddi wrth eraill, cymaint nes byddai wythnosau'n mynd heibio heb unrhyw gyswllt dynol. Byddai'n defnyddio cyffuriau presgripsiwn i leddfu'r boen.

Dywedodd: “Dechreuais ddioddef gorbryder yn fy arddegau. Roedd gen i broblemau iechyd a oedd yn effeithio arna i bob dydd, a olygai fy mod yn colli'r ysgol, a dyna lle dechreuodd y cyfan.”

Cafodd Jamie ddiagnosis o glefyd Crohn, a daeth ei orbryder yn rhwystr enfawr, gan ei atal rhag gweithio, cymdeithasu a gweld unrhyw un y tu allan i'w gartref.

“Ar fy ngwaethaf, fyddwn i ddim yn codi o'r gwely, ddim yn ’molchi na bwyta. Fyddwn i ddim yn ateb fy ffôn pan oedd fy nheulu’n ffonio a byddwn yn gwneud esgusodion pan fyddai ffrindiau yn fy ngwahodd i allan, felly roion nhw'r gorau iddi yn y diwedd. Roeddwn i wedi bod yn ddi-waith ers 10 mlynedd oherwydd fy ngorbryder, fy iselder a phroblemau iechyd, a doedd gen i ddim ddyheadau na chynlluniau at y dyfodol - dim ond goroesi o ddydd i ddydd oeddwn i.

“Cefais boenladdwyr ar bresgripsiwn, ond dechreuais ddibynnu mwy a mwy arnyn nhw, a'u cymryd nhw'n amlach gan 'mod i'n teimlo mor anhapus. Yn y pen draw, pan nad oedden nhw'n ddigon, troais at gyffuriau cryfach ac aeth fy mhroblemau o ddrwg i waeth. Fe wnaeth fy ngweithiwr cymorth camddefnyddio sylweddau neilltuo mentor cymheiriaid i mi.”

Yno, cafodd daflen am gwrs Seicoleg 12 wythnos gydag Addysg Oedolion Cymru, a oedd yn cael ei gynnal mewn partneriaeth ag elusen iechyd meddwl New Horizons, a chofrestrodd amdano.

“Ar y diwrnod cyntaf, sefais y tu allan i'r dosbarth am tua 20 munud yn edrych ar y drws, yn arswydo cyn mynd i mewn. Roeddwn i'n swp sâl yn poeni, a bu bron i mi fynd adref. Ond cliciodd rhywbeth y tu mewn imi, a gorfodais fy hun i fynd i'r dosbarth.

“Roedd fy nosbarth cyntaf yn anhygoel. Roeddwn i'n teimlo gartrefol ar unwaith, ac yn edrych ymlaen at y dosbarth nesaf - roeddwn i'n ysu i ddysgu mwy.”

Pan oedd y cwrs yn dod i ben, doedd Jamie ddim yn teimlo'n barod i roi'r gorau iddi ac fe gofrestrodd ar ddosbarth Troseddeg gyda'r un tiwtor, er bod angen teithio 40 munud i'r cwrs. Ymhen ychydig wythnosau, roedd ar drydydd cwrs magu hyder, y bu’n dilyn tri chwrs yr wythnos, cyn cofrestru yn y pen draw i wneud cwrs Mynediad yn y dyniaethau a gwyddorau cymdeithasol yng Ngholeg y Cymoedd.

“Fe wnes i gwrdd â chymaint o bobl newydd a dechreuodd fy ngorbryder ddiflannu'n raddol. Roeddwn i'n mwynhau fy hun ac roedd gen i deimlad cadarnhaol braf y tu mewn i mi. Roedd gen i bwrpas mewn bywyd.”

“Roeddwn i'n arfer ofni'r anhysbys, ond bellach yn y dosbarth, rwy'n cwrdd â phobl newydd ac yn gwybod bod pawb yn mynd drwy eu pethau eu hunain ac yn delio â phroblemau eu hunain, a does neb yn fy marnu. Doedd dim byd yn fy mhoeni mewn gwirionedd yn yr ystafell ddosbarth, a dw i'n edrych ymlaen at ddychwelyd i wneud rhywbeth sy'n rhoi cymaint o bleser i mi."

“Dw i wedi elwa cymaint ar ddysgu, y tu hwnt i bob disgwyl. Nid dim ond gwybodaeth am bwnc o'r dosbarthiadau, ond sgiliau gwerthfawr, hunan-gred, gwydnwch, cyfeillgarwch ac iechyd meddwl gwell".

Llongyfarchiadau Jamie gan bawb ohonom ni yn Addysg Oedolion Cymru | Adult Learning Wales – mae eich Gwobr Ysbrydoli! yn wirioneddol haeddiannol.


Darllenwch ragor o'n straeon go iawn yma neu ysgrifennwch eich pennod eich hun a chyfranogwch yn un o'n cyrsiau heddiw.

 

Yn ôl i'r newyddion

Angen unrhyw help?

Beth bynnag yw eich ymholiad - mawr neu fach - gallwn ni helpu

Cymorth a Chefnogaeth


arrow_upward
×
Mewngofnodi i'ch rhad ac am ddim

MyAccount

Mewngofnodi i MyAccount i gyflymu eich cofrestriad i’ch cwrs nesaf ac i gadw golwg ar eich dysgu gyda ni!

I fewngofnodi, nodwch eich cyfeiriad e-bost cofrestredig a'ch cyfrinair ac mae'n barod ichi fynd!
Cofiwch, defnyddiwch yr un cyfeiriad e-bost i fewngofnodi bob tro y byddwch angen mynediad i'ch MyAccount.

Heb gofrestru? Cofrestrwch yma
Angen Cymorth Mewngofnodi?